“أنا و القمر” بقلم ولاء شهاب

آه حبيبى لو تعرف
اد ايه بحبك و بتمناك
طلع القمر بالليل
لمحني في شباكي بنادى
عليك و بستناك
طل في وشي و ضحكلي

شاورت ليه
قرب لي
بوسته من خده
و حلفته بعيونه وبجمال قده
يروح عندك يطمني
و بعتلك سلامي معاه ..

سلام من روحي اللي بتحبك
و دايبة فى غرام اسمك
تردد فيه ..
تكتب حروفه اغنية
اغنيها وافضل اعيد وازيد فيها

انسي الدنيا قدامها
و اتغزل في ألحانها
اتوه فيها واستغرب يا حلو ازاي
ملكت الروح ؟!
يا روح الروح بناديلك
نفسي تزورني
و احكيلك حكايتي معاك …
حكاية رؤية في منامي
ما كنت اتخيل انها ممكن
تصير واقع الآقيك فيه .
تحلي الدنيا في عيني

واذوق طعمها السكر
اشم المسك والعنبر
في كل كلمة هتقولها
وأنا وياك …

ولاء شهاب