هو أنتا خايف ليه من الموت

شعر عمر أحمد عبد العزيز

هو أنتا خايف ليه من الموت
هو أنتا أول واحد هتموت
ولا أنتا أول واحد هتموت
ولا أنتا مش عارف أن كلنا لازم نموت
خوفك مش هيأخر شيء ولا هيقدم شيء
خوفك بس هيخليك في ضيق طول الطريق
اللي بيخاف بيخاف على حاجة مهمة
ودنيتنا عمرها ما كانت مهمة
احنا بس اللي في مهمة
أيوة احنا بس اللي في مهمة
احنا في مهمة ومسيرنا مسافرين
احنا في مهمة ومسيرنا لربنا راجعين
يمكن نرجع أنهردة أو يمكن نرجع بكرة
يمكن نرجع كمان يومين أو يمكن نرجع بعد جمعة
فعشان كدة الخوف لازم ميبقاش من الموت
الخوف لازم يبقى من رب الملكوت
الخوف لازم يبقى على المهمة
الخوف لازم يبقى على أن الجنة متروحش منا