حافظوا على علاقتكم

محمود عبد العزيز

أوقات كتيرة بنستغرب أن الموبيل بيقع منا وقعات جامدة و بيستحمل و فجآة يقع واقعه تافهه جدا نلاقيه بقي ألف حته، طيب ما أحنا استحملنا وقعات كتيرة إيه اللي حصل لينا؟

الفكرة أن أنا مفهمتش أن كل واقعة بتأثر في عمر الموبيل و بخليه أضعف من الأول و فجآة هيتكسر مني علشان أنا أهملته بما فيه الكفاية .

هو ده نفس السيناريو اللي بيحصل في علاقتنا بالبشر و بنفسنا حتي بنفضل نستحمل مواقف سخيفة و نسمع تبريرات اسخف و نعديها أفضل 
نستحمل جحود حد عزيز و نعديها 
نستحمل صدمه في صاحب غالي ونعديها 
نستحمل نسمع كذبة ورا كذبة لحد فجآة ميبقاش قادرين نعديها.

و مع اتفه سبب علاقة بمنتهي القوة تتحول لفاتفيت فجآة و لو متحولتش فتافيت أحنا نفسنا بنتكسر فجآة محدش بيستوعب إيه اللي حصل أزاي علاقه قوية كدة تتفتفت أو أزاي أنا أتكسر كدة ده أنا كنت جبل 
أزاي طوبة تيجي تكسرنا بس هي نفس فكرة الموبيل موقف ورا موقف ضعف العلاقة و لحد اتفه موقف لما فتفت العلاقة، 
حافظوا علي بعض من أنكم تكسروا بعض مهما كان نوع العلاقة.