حوار/ د إيمان عزت
مش كل موهبة هتعطلك ومش كل رسم فم ومش كل خطوط جنب بعضها بقى لوحة ومش كل اللي من السوشيال ميديا والنت سلبي، عرفنا دا لما اتكلمنا مع الفنانة شهد و انبهرنا بشغلها المتميز و المفاجأة في أن مين شهد وكام سنة تعالوا نعرف من حوارنا معاها
عرفينا بنفسك؟
انا شهد المهدي ١٠ سنين وبحب الرسم
بترسمي من امتي؟
من حوالي ٤ سنين
مين علمك؟
اتعلمت من على اليوتيوب و حاجات كتير على النت؟
طب ماما وبابا مكنوش، معترضين؟
بالعكس ماما كانت بتساعدني وبتبحث معايا وبابا كان بيجيب لي الأدوات اللي احتاجها
في أدوات معينة؟
طبعا كل لوحة ولها أدوات وكنا انا وماما بنعرف اسامي الأدوات عشان تحددها لبابا
والمدرسة كان دورها ايه؟
استاذتي كانوا بيشجعوني وزمايلي كمان بيبقوا فرحانين بيا
شوفنا ليكي لوحات كتير بس في لوحة تفاصيلها كتير اوي وفي النص ست دا بيعبر عن ايه؟
دي لوحة عن الحياة والمرأة العراقية، وبتعبر عن نوع معين من الفن الشعبى الفلكلوري
برافو عليكي طب انت شاركتي في معارض؟
الحمد لله شاركت واتكرمت في معارض كتير
طب ناوية تكملي في دا لما تكبري ولا تفضل هواية؟
لا طبعا انا نفسي ابقي فنانه تشكيلة كبيرة َعندي جاليري كبير
برافو شهد انتي اسم على مسمى نموذج طفلة مصرية جميلة موهوبة ومثقفة وكمان عندها تخطيط واهداف
وبنشكر بابا وماما انهم ساندوكي وشجعوكي
وفي آخر حورانا ممكن توجهي رسالة لكل طفل؟
اقول لكا طفل احلم وحدد هدف وابحث واتعلم وحاول كتير والسوشيال ميديا مش كلها وحشة اختار انت الحلو
جميل يا شهد وكلامك شهد زيك طب ممكن رسالة لكل اب وام؟
اقول لكل اب وام احلم مع ابنك الحلم بتاعه وشجعه ينمي موهبته ويحقق حلمه هيحبك اكتر وهيكون فخور بيك اكتر
وان الموهبة مش بتعطل الدراسة ولا السوشيال ميديا المهم استخدمنا وانكم تقفوا جنبنا وتساعدونا
اشكرك يا شهد على حوارك الراقي الجميل واتمنى ليكي تكوني فنانه جميلة راقية بموهبتها وفكرتها واخلاقها وتكوني نموذج لنشر السلام بين الشعوب من خلال فنك.
More Stories
المهندسة منال شفيق سليمان… عقل هندسي استثنائي يقود مشروعات التأمين الصحي في جنوب الصعيد ويصنع بصمة لا تُمحى
علياء سليمان حسن محمد سفيرة الجمال اليدوي وملكة التفاصيل
منار أحمد عبد الكريم — تمكين المرأة في الإعلام… رؤية جديدة تعيد تشكيل المشهد العربي