تقدمه الإعلامية ايمان عزت
الشباب هم وقود الحاضر ومنارة الغد وفكرهم هو الأمل في الحياة وتطورها للأحسن واليوم تبهرنا باحثة مصرية في الخامسة عشر من عمرها بإختراع لإنقاذ البشرية من أعراض الأمراض المتعلقة بنقص الأكسجين وما يتبع كورونا
أهلا بيكي الباحثة والمخترعة الصغيرة
أهلا بحضرتك
عرفينا بنفسك
أنا سجى حسن من المدرسة المصرية الدولية بالمعراج فى الصف الأول الثانوى
أهلا سجى سعداء بوجودك معانا
كلمينا عن إختراعك
مشروعى بيتكلم عن إستخراج الأكسجين من خلايا النحل بدأت أفكر فى المشروع بعد ظهور جائحة كورونا و زيادة عدد الوفيات و قلة أنابيب الاكسجين…بعد أبحاث كثيرة عن طرق مختلفة لكيفية إستخراج الأكسجين وجدت فى أوروبا (ألمانيا) ٣ علماء ( هانس، يورغن، توماس) عندهم مناحل عاملين فيها غرف مخصصة لجلسات الأكسجين اللى بيكون داخل خلايا النحل و هو هواء نقى متجدد
برافو عليكي..
يعني نفهم من كدا إن جائحة كورونا كانت سبب رئيسي كدافع ليكي في البحث العلمي
طبعا
طب إشرحلنا إزاي بيشتغل؟
هو عبارة عن خلية نحل موجود عليها جهاز سحب الأكسجين من داخل الخلية و موجود معاه كمامة السباب الطبية و هى عبارة عن كمامة طبية و خرطوم و معهم منظم لضبط الأكسجين الذى يحتاج إليه المريض
و الأكسجين بيخرج من خلية عبر حركة أجنحة النحل
نفهم من كدا إن كل اللي بنحتاجه منحل خلايا نحل وجهاز شفط أكسجين بخرطوم طبي وطبعا طاقة كهرببة
طب إزاي بنعرف كمية ووقت سحب الأكسجين؟
على حسب الأكسجين بيكون أد إيه فى الجسم من خلال جهاز مقياس الأكسجين و بنبدأ نظبط من خلال المنظم و الجلسه بتكون 15 دقيقة بسرعات مختلفة
و إحنا ممكن نستخدم مجموعة من الخلايا في غرفه داخل مستشفى بعد تركيب الجهاز و تستخدم كغرفة جلسات أكسجين مثل أى غرفة أخرى لجلسات الأكسجين و هيكون فى مسؤول عن الخلايا
هل هنحتاج عناصر بشرية للمنحل والمشروع غير الأطباء والتمريض؟
طبعا … هكون محتاجة لمهندسين زراعة و أطباء و مشرفين و تدريب مجموعة من الشباب فى مجال رعاية خلايا النحل و مسؤولين أجهزة طبية و دا هيوفر فرص عمل للكثير من الشباب
إيه الدعم اللي ناقص مشروعك وإختراعك عشان يكبر ويفيد البشرية؟
محتاجة دعم من معامل الأبحاث ، أكاديمية البحث العلمي ، وزارة الصحة، وزارة الزراعة، وزارة البيئة، وزارة التعليم العالي و البحث العلمي، الشركات الكبرى للأجهزة الطبية و رجال الأعمال المهتمين بالبحث العلمى و دعم الشباب
طلبك أو أمنيتك إيه ورسالتك؟
أتمنى إن مشروعى يوصل للرئيس عبد الفتاح السيسي و يوصى بدعمه و تبنيه علميًا من الجهات المختصة
رسالتك لكل أسرة مصرية؟
دعم و تشجيع أولادهم مهما كانت الأفكار
وما هي رسالتك لكل فتاة وشاب في سنك؟
عمل الأبحاث لتطوير مجتمعنا
نشكرك العالمة الصغيرة و نتمنى ليكي مستقبل باهر والحصول على نوبل.
More Stories
المهندسة منال شفيق سليمان… عقل هندسي استثنائي يقود مشروعات التأمين الصحي في جنوب الصعيد ويصنع بصمة لا تُمحى
علياء سليمان حسن محمد سفيرة الجمال اليدوي وملكة التفاصيل
منار أحمد عبد الكريم — تمكين المرأة في الإعلام… رؤية جديدة تعيد تشكيل المشهد العربي