مايو 27, 2024

جريدة الحياة نيوز

رئيس مجلس الادارة : نسرين رمزي

“الكبير” بقلم دكتور حســن سُــليمان

 

فى يوم جائنى إبنى و قالى

بابا فى ولد رزل بيرزل عليا فى المدرسة و بيضربنى ..

قولت له إللى يضربك طلع تيييييييييييت ..

قالى و لو ما عرفتش ..

قولتله شوف أى حد ( كبيــــر ) و روح قوله كابتن الواد ده بيرزل عليا وهو حيتصرف ..

لقيتنى بقول يعنى إيه ( كبيـــر ) و إزاى حيتصرف و هل علشان هو ( كبيــر ) يبقى حيعرف يتصرف .

نستخدم لفظ ( الكبيــر) فى كتير من حياتنا فى دلالات كثيرة و لكنها تصب فى بوتقة واحدة دوما ..

كلنا بنسمع و نقول

نروح نصلى فى الجامع ( الكبيــر) عشلان نحس بالخشوع و الجماعة .

حنتقابل فى البيت ( الكبيــر) أنا وكل أخواتى و أولادهم و نحس بجو الأسرة و اللمة .

حروح أشوف فيلم ( الكبيــر) للفنان ( الكبيــر) حاجة تستاهل نتفرج عليها بجد .

حروح لنسايبى معايا طبق حلويات ( كبيــر ) لازم أخش عليهم بحاجة تشرف .

حشترى لوزامى من المول ( الكبيــر) علشان الاقى فيه كل طلباتى مرة واحدة .

حنروح الرحلة فى الأتوبيس ( الكبيــر) علشان ياخدنا كلنا مرة واحدة .

معاك كارت لواحد ( كبيــر ) يمشيلى ورقى .

اللى له كبير فى البلد دى بيسلك فى الحديد

حاجى معاك أحللك مشكلتك بس ما تصغرنيش و خلينى ( الكبيــر) و ما تكسفنيش .

الكبير فى حياتنا هو الأكثر أمنا ً و فهما ً و تصرفا ً و حكمة ً ..

فهو الحاوى و اللامم و المطمئن و المفيد و بيه نستقوى الواحد و يتشرف و يثق فيه و يحترمه و يسابق للوقوف خلفة ..

متى كان الكبير هو الحامى و القدوة .. كنا له سندا ً و عونا ً ..

نلجا للكبير دوما فهو الله بذكر الله أكبر ..

نطلب العون و المدد من كبيرنا و نقر بضعفنا و حاجتنا

( الله أكبر ) بإتفاق الجمع و بشهادة الحاجة و السند .. قوة كبيرة من الله الكبير

فنحن خلفاء الله فى الأرض و ( كبيرنا ) هو الداعى للأمن و السلام و الحكيم اللذى يصب أكثر ما يخطئ ..

يحكم عادلا ً و منصفا ً للأصغر و الأضعف ..

نوقر ( الكبيــر) و نرجم ( الصغيــر ) بس الأول يكون فعلا ( الكبيــر) و نكون معاه قابلين نكون ( صغيريين )

عرفتوا مين هو الكبير ؟

( كبير الحتة و كبير العيلة و كبير المقام و أخوك الكبير )

و من حق الكبير بقى ؟